اخبار رياضية

يلا شوت لايف | حسن مصطفى: رحيلي عن الأهلي بسبب مشاكلي الكتيرة مع جوزيه.. وكنت غلطان





07:10 ص | الأربعاء 14 سبتمبر 2022

حسن مصطفى

كشف حسن مصطفى، نجم الأهلي والزمالك السابق، عن سبب رحيله عن القلعة الحمراء وقت تواجد البرتغالي مانويل جوزيه.

وقال مصطفى، خلال حديثه ببرنامج ملعب أون تايم رفقة الإعلامي أحمد شوبير بعد سؤاله عن سبب رحيله من الأهلي: «جيت فترة حسيت بنفسي شوية بعد ما كنت متألق وحصل مشاكل مع مانويل جوزيه وهو اللي جابني للأهلي وكان دايما يقول ياريت كل الناس زي حسن مصطفى».

حسن مصطفى يروي كواليس أزماته مع جوزيه

وتابع: «مرتين أتوقف معاه وأنزل ناشئين ونزلت 4 مباريات وبعد كده رجعت عشان ألعب ماتش قمة وبعد كده حصلت مشكلة نزلت للناشئين تاني كان سني صغير وكنت دايما بعمل مشاكل كتير ولما بقيت مدرب عرفت إن اللي عملته كله كان غلط والمفروض تتدرب كويس وتركز في شغلك وتلاقي نفسك الدنيا ماشيه كويس واعترفت بالخطأ باللي عملته بعد السنين دي كلها فعلا لما شفت اللاعبين في الوقت الحالي ده طبيعي يلعب النهارده وبكرا لا والأمور بتمشي عرفت ان كل شيء أنا اعترضت عليه كنت خطأ فيه».

كنت مبسوط في الزمالك

وتطرق حسن مصطفى للحديث عن فترته بالزمالك قائلًا: «في الزمالك كنت مبسوط وكان فيه مشاكل مادية ولكن كنت مبسوط باللعب الأساسي على طول وحسام حسن ساندني جامد جدا هناك ووقف في ضهري كنت بجري في الزمالك أكتر ما كنت بجري في الأهلي وكان بيجي عليا ماتشات كنت برجع البيت مش قادر بسبب الجري كنت أتمنى احصد بطولات في الزمالك ولكن ربنا موفقنيش».

مقالات ذات صلة

زر الذهاب إلى الأعلى